Kinn-historie

Teodor og Teresia

Teodor og Teresia er oldeforeldre:

• mor: Tordis (Sigvartsdotter), Kinn 1931
• mormor: Gudrun Teodorsdtr., Ytre Revøy 1894
• mormors foreldre: Teodor og Teresia

Teodor var fødd i Korshavn på Ytre Revøy i Austad (Lyngdal) 22. desember 1862 og vart døypt 11. januar 1863. Fadrane var Reinert Eilertsson Revøy, Petter Tønnesson (farfaren), Hans Kristiansson, Anne M. Ariansdotter og Katrine Bentsdotter Korshamn. Teodor voks opp i Korshamn (Støa) hos foreldra. Han hadde to eldre brør, Petter og Eilert,og fekk etter kvart fleire yngre sysken (sjå foreldra). I ungdommen var han sjømann, og han var ei tid i USA. Ifølgje folketeljinga frå 1910 var han i New York frå 1897 til 1900 og arbeidde som snikkar der.

Teresia var fødd på Seli i Austad (Lyngdal)30. mai 1869 og vart døypt 13. juni. Fadrane var Karl Jansson Selør (morbror), Sakarias Jansson Selør (morbror), Eilert Reinertsson Mønestad (farbror), Ingeborg Knutsdotter Selør og Gurine Reinertsdotter Mønestad. Ho voks opp på Selør hos foreldra som det eldste barnet. Etter kvart kom fleire yngre systrer, men berre to voks opp (sjå foreldra). I 1882 flytta familien til Ytre Revøy (Øyna).

Søskena til Teodor
Petter, gift med Emilie Stålesdtr. frå Vanse (Farsund), budde i Farsund.
Eilert, døydde ung i Korshavn.
Anton, ugift, budde i New York i USA.
Reinert, gift med Inger Kiddelsdtr. frå Austre Moland (Arendal), budde på Eskestøl i Austre Moland i Aust-Agder.
Gardia, gift med Oluf Berentsson frå Spind (Farsund), budde i Stavanger, i Korshavn og på Hundingsland i Lyngdal.
Olaus, gift med Marianne Salvesdtr. (Marie) frå Sokndal, budde mest i Horten.
Adolf, ugift, budde ved Chicago i USA.
Margrete, døydde nokså ung i Korshavn.

Søskena til Teresia
Regine, gift med Sakarias Karlsson frå Selør i Lyngdal, budde på Ytre Revøy i Lyngdal.
Tobine, døydde som barn.
Edvardine, døydde som barn.
Edvardine (Dina), gift med Eugen Antonsson frå Kristiania, budde på Nantucket i Massachusetts i USA.

Teodor og Teresia gifta seg den 11. juni 1890, 27 og 21 år gamle. Forlovarar var hans bror Petter Gabrielsson og far hennar. Teodor er skriven som arbeidsmann.

Ved folketeljinga året etter budde dei i Korshavn, førebels utan barn. Teodor var snikkar. Dei er då førte med etternamnet Tobiasen. Seinare kalla dei seg Gabrielsen.

Folketeljinga frå 1910 opplyser at Teodor var i Amerika frå 1897 til 1900 og arbeidde som snikkar der, sist busett i New York. Ved folketeljinga i 1900 budde dei i Korshamn (i Støa?) med dei fire eldste barna: Dora, Gudrun, Trygve og Eilert. Han er skriven som gardbrukar og fiskar. Dei hadde dyrka «Korn, Poteter» og hadde «Kreatur». Gardsbruket var på Øyna (den eigedommen som er kalla Stikkhuset). I Korshamn budde òg mor hans, som var enkje. Då far til Teresia døydde i 1905, flytta dei ei tid til mor hennar på Øyna (granneeigedom til Stikkhuset).

Ved folketeljinga i 1910 bydde dei på Ytre Revøy; Teodor var gardeigar og fiskar. Alle barna som var fødde til då, budde hos dei, men Teodora var skriven som fråverande og tenestejente i New York. Mor hennar (kalla Severine) budde hos dei. I denne tida bygde Teodor nytt hus i Korshamn, og dei skal etter opplysningar i familien ha flytta inn der i 1909. Mor hennar flytta med dei. Her budde dei resten av livet. Dei levde av fiske og småbruket, og i tillegg var Teodor møbelsnikkar. Sonen Karl  vart buande hos foreldra.

Teodor døydde 15. desember 1938, knapt 76 år gammal.

Teresia budde framleis hos Karl, som etter kvart hadde fått kone og barn. Teresia døydde 8. juni 1965. Ho nådde ein alder av 96 år.

Barn og etterslekt

1891-03-09: Teodora Josefine. Teodora (Dora) hadde vore nokre år i teneste i Boston i USA då ho gifta seg med Teodor Wathle frå Bergen. Den eldste sonen var fødd i Boston. Etter ei tid vende dei tilbake til Noreg; det andre barnet var født på Årstad. Dei budde ei stund på Lillebergen i Meland, der barn nr. 3 og 4 var fødde, men slo seg til sist ned på Kronstad i Bergen. Dei hadde åtte barn. Dora døydde i 1957, Teodor i 1964.

Anane til Teodor: 1. Teodor Kristoffer Olsson f. Rosenbergsgaten i Bergen 1886; foreldre: 2. Ole Helgesson f. Vatle i Haus 1854, 3. Marianne Hermundsdotter f. Korskirken sogn i Bergen 1856; besteforeldre: 4. Helge Helgesson f. Rognevollen under Mjelde i Haus 1827, 5. Anna Olsdotter f. Vatle 1824, 6. Hermund (Herman) Olsson f. Tenål i Vik 1810, 7. Elen Marie Johannesdotter Schrøder f. Korskirken sogn i Bergen 1815; oldeforeldre: 8. Helge Gulliksson, truleg f. Horvei i Voss ca. 1796, 9. Anne Jakobsdotter (Knutsdotter), truleg f. Geilane i Voss 1801, 10. Ole Johannesson f. Romslo i Haus 1793, 11. Guri Olsdotter f. Tunes i Haus 1790, 12. Ole Hermundsson f. Tenål? ca. 1782, 13. Ragnilda Boltolvsdotter f. Espeset? i Vik ca. 1785, 14. Johannes Klausson Schrøder, f. Domkirken sogn i Bergen 1788, 15. Berte Marie Pedersdotter

Barn og barnebarn av Teodora: Robert Clarence Wathle (1912–2002), bst. Bergen, g.m. Helene Nordstrand (1906–79) frå Bergen. Tre døtrer. Alfred William Wathle (1915–97), bst. Åsane i Bergen, g.m. Erna Gjervik (1913–2007) frå Bergen. Tre søner. Marianne Therese Offerdal (1917–2004), bst. Kronstad i Bergen, g.m. Alfred Offerdal (1918–42) frå Laksevåg. Thorolf Odd Wathle (1919–63), bst. Bergen, g.m. Haldis Johanna Iversen (1918–98) frå Arna. Ole Helge Wathle (1921–96), bst. Landås i Bergen, g.m. Ragnhild Vestrheim (1922–98) frå Syse i Ulvik. To barn. Therese Theodora Iversen (1923–2016), bst. Bergen, g.m. Arvid Brønnlund Iversen (1919–87) frå Bergen. Fire barn. Gunvor Flo (1925–2008), bst. Bergen, g.m. Kjell Flo (1925–87) frå Bergen. To søner. Bjørn Wathle (1929–95), bst. Åsane i Bergen, g.m. Signe Tyssedal (1928–2023) frå Bergen. Tre barn.

1894-11-21: Gudrun Roberta. Gudrun er bestemor; sjå Besteforeldre: Gudrun og Sigvart.

1897-09-16: Trygve August. Trygve vart gift med Jenny Håland frå Feda. Dei budde ei tid i Brooklyn i New York og fekk dei eldste barna der. Om lag 1930 kom dei tilbake og slo seg ned på Ytre Revøy, på eigedommen som foreldra til mor hans hadde hatt. Dei hadde i alt fem barn. Jenny døydde i 1959, Trygve  i 1981.

Anane til Jenny: 1. Jenny Gesine f. Håland i Feda 1903; foreldre: 2. Karl Emanuel Olsson, f. Store Sæveland i Herad 1871, 3. Emilie Teodora Kristensdotter f. Log i Herad 1874; besteforeldre: 4. Ole Larsson f. Feda i Feda 1845, 5. Berte Dortea Knutsdotter f. Høyland i Å 1839, 6. Kristen Edvard Hansson f. Lauland i Herad 1829, 7. Edel Tobine Gabrielsdotter f. Log i Herad 1833; oldeforeldre: 8. Lars Olsson f. Store Sæveland ca. 1812, 9. Berte Kristine Fredriksdotter f. Håland ca. 1819, 10. Knut Bårdsson f. Skår? i Konsmo ca. 1808, 11. Inger Torkjellsdotter f. Høyland? ca. 1810, 12. Hans Tobias Kristensson f. Lauland ca. 1805, 13. Olene Osmundsdotter f. Ofte i Herad ca. 1807, 14. Gabriel Torkjellsson f. i Austad ca. 1801 (Korshamn 1803?), 15. Jamine Tollaksdotter f. Log ca. 1798

Barn og barnebarn av Trygve: Torleif Clifford Gabrielsen (1925–2010), bst. Korshamn, g.m. Alice Thompsen (1929–2020) frå Stusvik i Lindesnes. To barn. Torry Edmund Gabrielsen (1929–2020), bst. Korshamn, g.m. Else Johanne Næss (1932–levde i september 2022) frå Skudeneshavn. To barn. John Trygve Gabrielsen (1933–2008), bst. Stockholm. Berit Knudsen (1939–), bst. Korshamn, g.m. Tore Knudsen (1934–2006) frå Seli. Tre døtrer. Randi Vik (1941–2008), bst. Lyngdal, g.m. Arne Sigurd (Olsen) Vik (1930–2021) frå Spind i Farsund. Tre barn.

 1899-08-27: Eilert Tobias. Eilert (Sørodd) vart gift i USA i 1922 med Solveig Ingebjørg Boxnæs frå Korshamn. Dei hadde to barn som  døydde små. Dei budde ei stund i Korshamn, men frå ca. 1955 i Lundegård i Lyngdal. Solveig døydde i 1974, Eilert  i 1979.

Anane til Solveig: 1. Solveig Mikaelsdotter  f. Korshamn 1896; foreldre: 2. Mikael Abelsson, f. Austreide i Ølen 1868, 3. Brita Eriksdotter f. Ryen i Fjelberg 1869; besteforeldre: 4. Abel Abelsson f. Boksnes i Husnes 1836, 5. Synneve Mikkelsdotter f. Røysland i Husnes ca. 1837, 6. Erik Tørrisson f. Ryen 1836, 7. Siri (Sigrid) Ingemundsdotter f. Engelsgjerd i Gjerde 1833; oldeforeldre: 8. Abel Abelsson f. Helvik i Husnes ca. 1809, 9. Ingeborg Gunnarsdotter f. Boksnes ca. 1817, 10. Mikkel Larsson f. Røysland ca. 1815 , 11. Guro Nilsdotter f. Bjelland i Husnes ca. 1815, 12. Tørris Eriksson f. Ryen ca. 1808, 13. Anne Nilsdotter f. Øvre Hauge i Ølen ca. 1811 (?), 14. Ingemund Sveinsson f. Engelsgjerd ca. 1794, 15. Abigael Osmundsdotter f. Halleland i Grindheim ca. 1801

Barn av Eilert: Michael Theodor (1922–1922), f. og d. i New York. Britha (1923–1927), f. og d. i Korshavn.

1902-04-03: Anton. Anton vart gift med Jofrid Syvertsen frå Farsund. Dei budde i Korshamn og hadde tre søner. Anton døydde i 1988, Jofrid i 1997.

Anane til Jofrid: 1. Jofrid Reinertsdotter f. Farsund 1906; foreldre: 2. Reinert Emanuel Syvertsson f. Høyland i Vanse 1874, 3. Jenny Georgine Jensdotter f. Farsund 1876; besteforeldre: 4. Syvert Jakobsson f. (Austre/Vestre?) Vatne i Vanse 1824, 5. Marie Danielsdotter f. Bjørnestad i Vanse 1830, 6. Jens Jensson f. Øvre Skeime i Vanse 1842, 7. Tobine Jørgine Jansdotter f. Kjørrefjord i Vanse 1849; oldeforeldre: 8. Jakob Villum Kristensson, f. Høyland? ca. 1795, 9. Severine Bergitte Syvertsdotter, f. Høyland? ca. 1800, 10. Daniel Andersson, f. Høyland? ca. 1792, 11. Anne Helene Nilsdotter, f. Løvland? i Vanse ca. 1802, 12. Jens Elias Jensson, f. Skeime? ca. 1811, 13. Gunnvor Abrahamsdotter, f. Oftenes? i Å ca. 1813, 14. Jan Kristian Tønnesson, f. Kjørrefjord? ca. 1817, 15. Karoline Kristine Tønnesdotter, f. Hananger? i Vanse ca. 1825

Barn og barnebarn av Anton: Thor Gabrielsen (1936–levde i 2016), bst. Bergen, g.m. Kirsten Oddbjørg Nesse (1936–). To barn. Rolf Gabrielsen (1938–2019 (?)), bst. Farsund, g.m. Karla Tjessem. Tre søner. Arvid Gabrielsen (1946–), bst. Kongsberg, g.m. Anne Marie Moe Kolberg. Ein son.

1904-08-18: Edvardine Amalie. Amalie vart gift med Sverre Syvertsen frå Farsund (f. 1903, fullbror av Jofrid Syvertsen, sjå ovanfor). Dei var busette i Farsund og hadde to barn. Amalie døydde i 1956, Sverre i 1962.

Barn og barnebarn av Amalie: Reidar Jonny Syvertsen (1935–91), bst. Farsund, g.m. Gerda. To døtrer. Eli Synnøve Gausdal (1940–), bst. Kristiansand, g.m. Gunnar Thorvald Gausdal (1930–1994) frå Drangeid i Nes. To barn.

1907-01-12: Gabriel Tobias Ragnvald. Ragnvald reiste til USA i ungdommen og vende ikkje tilbake. Han kom til New York den 3. februar 1926. Han søkte om statsborgarskap i 1945 og budde då i Brooklyn, Kings, New York. Han var ugift og skal ikkje ha hatt barn. Ragnvald skal ha døydd i 1966.

1909-06-14: Karl Georg. Karl vart gift med Birgit Håland frå Feda (f. 1914 på Håland i Feda, fullsyster av broren Trygve si kone Jenny, sjå ovanfor). Dei hadde to barn. Dei overtok huset i Korshamn etter foreldra hans. Karl døydde i 1968, Birgit i 2002.

Barn og barnebarn av Karl: Karl Tore Gabrielsen (1947–), bst. Langesund i Bamble (Telemark), g.m. Mette Napstad frå Gjøvik. To barn. Kari Bjørg Ariansen (1949–), bst. Lyngdal, g.m. Erling Kjell Ariansen frå Flekkefjord. Fire barn.

1912-02-12: Margrete. Margrete vart gift med Torger Knudsen frå Seli. Dei budde lenge på Seli, men flytta ca. 1973 til Korshamn. Dei hadde fem barn. Torger døydde i 1985, Margrete i 1993.

Anane til Torger: 1. Kristian Torger Syvertsson f. Seli 1914; foreldre: 2. Syvert Karlsson f. Seli 1873, 3. Anne Bertine Syvertsdotter f. Hovda i Spangereid 1870; 4. Karl Tobias Knutsson f. Seli 1832, 5. Severine Torjesdotter f. Seli 1832, 6. Syvert Matias Pedersson f. Hovda ca. 1828, 7. Ingeborg Fredrikke Samuelsdotter f. Gitlestein i Spangereid ca. 1835; oldeforeldre: 8. Knut Siversson f. Høyland i Austad 1795, 9. Torborg Nilsdotter f. Seli 1787, 10. Torje Olsson f. Korshamn 1804, 11. Karen Gurine Knutsdotter f. Øvre Våge i Spangereid 1803, 12. Peder Syvertsson f. Hovda 1775, 13. Guline Mateusdotter f. Høllen i Spangereid 1792, 14. Samuel Jeremias Ariansson f. Våge 1803, 15. Gurine Nilkine Kristiane Fredriksdotter f. Svinør i Sør-Audnedal 1794

Barn og barnebarn av Margrete: Reidun Ingebretsen (1938–), bst. Lyngdal, g.m. Ivar Bjarne Ingebretsen (1933–2010) frå Hausvik i Lyngdal. Fem barn. Gerd Ræg (1939–), bst. Nærbø i Hå (Rogaland), g.m. Jostein Asbjørn Ræg (1934–2008) frå Hauge i Dalane. To barn. Theodor Thoralf Knudsen (1942–2000), bst. Lyngdal, g.m. Inger Lise Johannessen frå Seli (1951–). To barn. Sigmund Knudsen (1944–67), bst. Seli. Helge Knudsen (1948–), bst. Korshamn, g.m. Anne Britt Theisen (1951–2025) frå Seli. Tre barn.