Kinn-historie

Teis og Severine

Teis og Severine er tippoldeforeldre:

• mor: Tordis (Sigvartsdtr.), Kinn 1931
• mormor: Gudrun Teodorsdtr., Ytre Revøy 1894
• mormors mor: Teresia Teisdtr., Østre Selør 1869
• mormors morforeldre: Teis og Severine

Teis var fødd på Mønestad på Lindesnes-halvøya 3. juli 1838. Han voks opp hos foreldra Reinert og Oline og var den eldste i ein stor syskenflokk. Søsken som voks opp, var Rakel, Gurine, Osea, Elisabet, Amalie, Eilert, Karoline og Oline.

Anne Severine var fødd på strandsittarstaden Seli (Selør) i hamna på Østre Seli 28. november 1839. Ho voks opp hos foreldra Jan Gabriel og Tonette og hadde to yngre brør: Karl og Sakarias. Faren drukna då ho var sju år, i 1847.

Søskena til Teis
Rakel, gift med Olaus Villumsson frå Holum (Mandal), budde i Mandal.
Gurine, gift med Karl Sakariasson frå Selør i Lyngdal, budde på Selør.
Osea, gift med Moritz Jakob frå Dresden i Tyskland, budde i Kristiansand.
Elisabet, ugift, budde på Fjellskår i Lindesnes.
Amalie, gift med Edvard Pettersson frå Fjellskår i Lindesnes, budde på Fjellskår.
Olaus, gift med Anne Oline Abrahamsdtr. frå Haraldstad i Lindesnes, budde på Nedre Våge i Lindesnes.
Eilert, ugift, reiste til sjøs og døydde der.
Karoline, ugift, budde på Mønestad i Lindesnes.
Oline, voks opp, uklar vidare lagnad.

Søskena til Severine
Karl, gift med Gurine Reinertsdtr. frå Selør i Lyngdal, budde på Selør.
Sakarias, ugift, budde på Selør i Lyngdal.

Teis og Anne Severine gifta seg den 5. oktober 1865, 27 og 25 år gamle. Forlovarar var Karl Tobias Jansson Selør (bror hennar) og Lars Kristian Nilsson Lastad.

Ved folketeljinga i 1865 var dei nygifte og budde på Selør. Han var skriven som matros. Dei hadde ikkje jord, men heldt ei ku. Ved teljinga i 1875 er han skriven som strandsitjar og sjømann. Då hadde dei ikkje dyr. Dei fekk fem døtrer, men to døydde av difteri som barn.

I 1882, etter at det siste barnet var født, flytta familien til Ytre Revøy (Øyna). Teis kjøpte bruk nr. 3 der for 500 kroner. Ved folketeljinga i 1900 budde dei der med den yngste dottera, Edvardine (Dina). Dei dyrka jorda (korn el. potet) og hadde «Kreatur» og «Fjærkre».

Ved folketeljinga i 1891 budde dei på Øyna med døtrene Regine og Edvardine. I tillegg til gardsdrifta var Teis fiskar.

Teis døydde 28. juli 1905, 67 år gammal.

Ei tid budde dottera Teresia med familien sin hos Anne Severine, og det same gjorde Dina og familien.

Ved folketeljinga i 1910 budde Severine hos dottera Teresia og familien på Ytre Revøy. På slutten av livet budde ho hos dottera Teresia i Korshamn, slik ved teljinga i 1920. Anne Severine selde bruket for 6750 kroner i 1921.

Anne Severine døydde i Korsham 12. juni 1930, heile 90 år gammal.

Huset på Øyna vart kjøpt av Teresia sin son Trygve ca. 1932, og han og familien busette seg der.

Barn og etterslekt etter Teis og Severine

1869-05-30: Josefine Teresia. Teresia er oldemor, sjå Oldeforeldre: Teodor og Teresia.

1872-01-03: Regine Oline. Regine vart gift i 1895 med Sakarias Karlsson frå Seli (Selør). Dei var doble søskenbarn. Dei budde på Ytre Revøy og hadde seks barn. Sakarias var sjømann og hadde sin eigen kuttar som han gjekk i fraktefart med. Ved folketeljinga i 1910 budde dei på Ytre Revøy som eigande gardbrukarar og fiskarar. Dei hadde då hos seg barna Kornelia (Gustava)  (1896), Sverre (Ragnvald) (1899), Antonia (1902), Rikka (Sofie Emilie) (1905) og Torgerda (Jensine) (1907). I same hus budde Regine si mormor Tonette hos svigerdottera Gurine (enkje etter Karl Jansson). Ved teljinga i 1920 budde dei på Ytre Revøy som småbrukarar. Sakarias var skipper på ein kutter i fraktfart på kysten. Hos seg hadde dei barna Kornelia, Sverre (matros), Rikka, Torgerda, og Edith Alvilde (1911). På 1930-talet flytta Sakarias og Regine inn til Korshamn. Regine døydde i 1942. Gurine budde òg hos dei; ho hadde lospensjon.

Anane til Sakarias: 1. Sakarias Karlsson f. Seli i Lyngdal 1873; foreldre: 2. Karl Tobias Jansson f. Seli 1842, 3. Gurine Reinertsdotter f. Mønestad i Lindesnes 1844; besteforeldre: 4. Jan Gabriel Sakariasson, 5. Tonette Kolbeinsdotter (= nr. 61 her), 6. Reinert Tobias Tønnesson, 7. Oline Eilertsdotter (= nr. 63 her); oldeforeldre: 8. Tønnes Olsson, 9. Gunnild Hoskuldsdotter, 10. Eilert Ariansson, 11. Rakel Johannesdotter, 12. Sakarias Jansson, 13. Anne Serine Kristiansdotter, 14. Kolbein Tjøstelsson, 15. Torborg Finkelsdotter.

1875-03-15: Tobine Amalie. Tobine døydde i 1881 av difteri.

1878-11-16: Edvardine. Denne Edvardine døydde òg i 1881 av difteri.

1882-08-19: Tobine Edvardine. Edvardine (Dina) vart gift i 1907 med Eugen Hjalmar Larsen frå Kristiania. Dei budde ei tid på Ytre Revøy hos mor hennar, flytta så til Kristiania (Karlstadgaten 6), og i 1910 til USA. Eugen(e) var fyrvaktar, og dei budde fleire stader, men lengst på Sankaty fyr på Nantucket Island i Massachusetts. Eugene døydde på Nantucket i 1961, Dina i 1966. Barn: Eugene Ernest (1907), Alice Thatcher (1912), Marie Antonette (1915), Thelma Anne (1917), Ethel Alma (1920), Helen Edith (1923), Evelyn Doris (1925).

Anane til Eugen: 1. Eugen Hjalmar Antonsson f. Kristiania 1879; foreldre: 2. Anton Julius Larsson f. Fyri i Nes i Akershus 1850, 3. Maren Andrea Amundsdotter f. Åmot i Nes 1852; besteforeldre: 4. Lars Hansson f. Henni (Nes sokn) i Nes 1805, 5. Marte Gorine Olsdotter f. M…? i Nes 1818, 6. Amund Knutsson f. Folmo i Nes 1814, 7. Martea Hansdotter f. Henni i Nes 1813; oldeforeldre: 8. Hans Olsson, 9. Anne Amundsdotter, 10. Ole Larsson, 11. Anne Jonasdotter, 12. Knut Hansson, 13. Birte Syversdotter, 14. Hans Halvorsson, 15. Eli Israelsdotter