Kinn-historie

Tomas og Marie

Tomas og Marie er oldeforeldre:

• far: Otto (Albertsson), Kinn 1924
• farfar: Albert Tomasson, Kinn 1889
• farfars foreldre: Tomas og Marie

Tomas (Thomas) var fødd under Likhaugane på Kinn 25. februar 1858 og vart døypt 9. mai. Fadrane var «Samson Olssen Florø, Johannes Simonssen Storøe, Kristian Bendixsen Kinn, Helen Eriksdat. (Kinn), Anne Absalonsdat. (Kinn).»  Tomas voks opp hos foreldra på Kinn, under Likhaugane. Han hadde ein eldre halvbror, Berent Andersson, og to eldre fullbrør, Olai og Ludvig. Sidan kom det fleire yngre sysken (sjå foreldra).

Anne Marie var fødd på Ytre Reksta 25. desember 1858 og vart døypt 8. mai 1859. Fadrane var fire sysken av mora: Abraham Arentsson, Sunnarvika i Flora, Ole Mikal Arentsson, Sunnarvika, Anne S. Arentsdotter, Reksta, og Anne K. Arentsdotter, Reksta, og så Karl Mortensson, Reksta. Marie voks opp hos foreldra på Ytre Reksta og var eldst i syskenflokken (sjå foreldra). Ho var vanlegvis kalla berre Maria.

Tomas og den eldre broren Ludvig vart av Sorenskrivaren i Sunnfjord 10. august 1875 dømde til hv. sju og ni månaders tukthus for brot på kriminallova. Saka dreidde seg om innbrot og tjuveri. Dei og nokre andre ungdommar frå Kinn hadde stole ein del vin, konjakk, tobakk, sukker, brød og anna frå handelsmann Lass på Kinn og, så vidt eg forstår av rettsdokumenta, Hjørnevik i Florø. Ludvig hadde vore dømd to år før, i ei liknande sak. Nokre av ungdommane, og særleg Tomas, grunngav tjuveriet med at dei ikkje hadde fått nok mat. Dei bad om tukthusdom framfor erstatning, for dei ville ikkje vere i stand til å betale. Dei vart innsette i Bergen tukthus 29. august 1875 og sette fri hv. 29. mars og 29. mai 1876.

1875 var eit naudsår i fiskeriheradet Kinn. Eg siterer frå Flora. Kulturhistorisk vegvisar, kapittelet «Historia om Flora» av Finn Borgen Førsund: «Då fangstane minka av år for år ut over på 1860-talet, var nok mange klar over at det kunne vere på slutten med den lange vårsildperioden. […] Det vart verkeleg dårlege tider, og for fattigfolk vart det så kritisk at det i 1875 vart sett i gang landsinnsamling til dei naudlidande i Kinn. Silda hadde svikta i fleire år, og det var dårleg også med torsk og anna fisk. Dr. Ude. J. Høst […] skildrar stoda ute på øyane i 1875: «Melsuppe kogt i Vand, samt Poteter og Salt og selv dette i utilstrekkeligt Mængde var føden, utslitte og utætte Støvler og Klæder, ingen Oljeklæder var Dragten, hvormed de før Hjelpen kom, Dag efter Dag maatte forsøke sig flere Mile ud paa Havet. Naar de saa kom Hjem gjennemvaade og trætte efter Dagens Arbeide, fandt de en kold, uhyggelig stue med en hel Del sultne Børn.» Dette talar for seg sjølv. Naudsinnsamlinga gav 2000 spd. i pengar, dessutan matvarer og klede. […] Berre den delen av folket der nauda skreiv seg frå mislukka fiske, fekk hjelp. Det var i hovudsak strandsittarar på «de ydderste Havøer». Som ei førstehjelp var det delt ut mjøl, poteter, sild og litt brød, dessutan klede, helst til barna. Dessutan vart det kjøpt inn for 100 spd. i hamp så folk kunne ha sjølv til å binde not og garn, og eventuelt tene noko på dette. Det vart også forsøkt å skaffe arbeid til dei naudlidande, men det var lite å få. Krisa gleid over litt om senn, og alt året etter skreiv dr. Høst at tilstanden i Kinn var «kummerlig», men ikkje så vanskeleg som året før. Fisket var betre, og mange av dei yngre reiste til sjøs eller på feitsildfiske i Nordland. Dessutan var mange flytte ut og hadde busett seg andre stader. Men enno i 1880 seier amtmannen at stoda var vanskeleg, og at distriktet enno ikkje var på føtene økonomisk etter svikten i fisket.» (s. 28)

Søskena til Tomas
Berent, gift med Oline Jakobsdtr. frå Knapstad, budde i Winneshiek County i Iowa i USA.
Olai, ugift (men hadde ei dotter), budde på Ballstad i Vestvågøy i Nordland.
Ludvig, gift med Eliza f. Hyland, budde i Ballina i New South Wales i Australia.
Oleanne, ugift (men hadde ein son), budde i Alsvåg i Øksnes i Nordland.
Marie, gift med Martinus Jansson frå Radøy, budde i Alsvåg i Øksnes i Nordland.
Amalie, gift med Sakarias Nilsson frå Laksevåg, budde på Lille Damsgård i Laksevåg/Bergen.
Andreas, gift med Anna Monsdtr. frå Osterøy, budde i Bergen.
Hanna, tilbakeståande, etter kvart på legd.

Søskena til Marie
Hanna, gift med Kristoffer Henriksson frå Kinn, budde på Kinn.
Arent, gift med Trone Sakariasdtr. frå Standalen, budde på Ytre Reksta.
Herman, gift med Elen Kasparsdtr. frå Rognaldsvågen, budde på Ytre Reksta.
Margrete (Grete), gift med Lyder Desideriusson frå Sunde på Askrova, budde i Rognaldsvågen på Reksta.
Lyder, gift med Alette Stefanusdtr. frå Skorpeidet, budde på Ytre Reksta.

Tomas og Marie gifta seg den 2. desember 1886, han 28 gammal og ho nesten 28. Forlovarar var Ludvig Pedersson, Kinn, og Salomon Johansson, Kinn.

Dei busette seg på Kinn, under Likhaugane, saman med Trone, mor hans, som var enkje.

Ved folketeljinga i 1891 budde dei der med dei tre eldste barna: Olufine, Albert og Teodor. Mor hans budde der, søstera Oleanne med sonen Adolf, og søstera Hanna.

Ved folketeljinga i 1900 budde dei der med alle dei sju eldste barna, og Trone. Tomas er ført som husmann og fiskar, og dei hadde «Kreatur». I 1910 budde dei under likhaugane. Tomas var fiskar. Hos dei budde barna Albert (sjømann, ute på reise), Teodor (fiskar), Olav (fiskar), «Susanne» og Tomas. Trone budde der òg.

Sonen Teodor vart buande under Likhaugane med familien sin. I ein kortare periode budde Albert der med sin familie, òg.

Marie døydde 15. september 1927 av kreft, 68 år gammal.

Tomas døydde 4. mai 1944, heile 86 år gammal.

Barn og etterslekt

1887-03-17: Olufine Amalie. Olufine (Fina) var gift med Lars Kristoffer Bendiksson (f. 1890) frå Kinn og budde på Kinn. Dei hadde elleve barn. Fina døydde 2. februar 1966. Lars levde til 1976. Dei kalla seg Bendiksen.

Lars sine anar: 1. Lars; foreldre: 2. Bendik Martinus Larsson f. Batalden 1860, 3. Synnøve Martea Larsdotter f. Batalden 1859; besteforeldre: 4. Lars Matias Fransson f. Batalden 1819, 5. Oline Olsdotter f. Indrehus i Bremanger 1821, 6. Lars Johannes Bendiksson f. Batalden 1824, 7. Karen Margrete Pedersdotter f. Batalden 1820; oldeforeldre: 8. Frans Matiasson f. Veidesundet 1787, 9. Marte Monsdotter Liset (Bremanger), 10. Ole Monsson Dyrstad, 11. Mari Abrahamsdotter Øvrebotn, 12. Bendik Andersson Batalden ca. 1783, 13. Helene Johanne Gunnarsdotter Dumba, 14. Peder Olsson f. Øvre Standalen 1770, 15. Cecilie Andersdotter f. Dumba ca. 1778; tippoldeforeldre: 16. Mattis Pålsson, 17. Anne Sørensdotter, 18. ein Mons, 19. ?, 20. Mons Eriksson, 21. Else Olsdotter, 22. Abraham Ananiasson, 23. Johanne Jørgensdotter, 24. Anders Andersson (Skorpa?), 25. ?, 26. Gunnar Eriksson, 27. Anne Klausdotter, 28. Ole Andersson Svardal, 29. Lussi Eliasdotter Øvre Standal, 30. Anders Mattisson, 31. Margrete Klausdotter

Olufine sine barn og barnebarn: Synnøve Larsen (1909–60), bst. Kinn, ugift, ingen barn. Bernhard Larsen (1911–86), bst. Kinn, ugift, ingen barn. Leif Larsen (1913–2010), bst. Victoria i British Columbia i Canada, g.m. Norah Slade (britisk). To døtrer. Trygve Larsen (1917–95), bst. Florø, g.m. Amanda Ørnehaug frå Solund (søster av Jakob, sjå nedanfor). Sju barn. Olga Varlid (1919–78), bst. Varlia i Hyllestad, g.m. Edvard Varlid frå Hyllestad. Åtte barn. Anton Larsen (1921–2018), bst. Florø, g.m. Magdalena Larsen frå Kinn. Tre barn. Liv Knutsen (1924–2010), bst. Meling, seinare Ystabø i Kvitsøy (Rogaland), g.m. Ole-Magnus Knutsen frå Kvitsøy. Tre søner. Borghild Ørnehaug (1927–2022), bst. Ytrøygrend i Solund, g.m. Jakob Ørnehaug frå Solund (bror av Amanda, sjå ovanfor). Seks barn. Svanhild Soldal (1930–2022), bst. Ytrøygrend, g.m. Johan Soldal frå Solund. Fire barn. Lars Larsen (1934–2019), bst. Kinn, g.m. Ellinor Andersen frå Bergen/Voss. Sju barn.

1889-02-01: Albert Olai. Albert er bestefar. Sjå eigen post: «Besteforeldre: Albert og Amanda».

1890-10-05: Teodor Severin. Teodor (Bjørnsen) var gift med Margit Larsdotter (f. 1903) frå Kinn og budde på Kinn, under Likhaugane. Dei hadde seks barn. Teodor døydde 16. april 1973. Margit levde til 1996.

Margit sine anar: 1. Margit Larsdotter; foreldre: 2. Lars Matias Abrahamsson f. Yndestad i Askvoll 1861, 3. Maren Marie Johannesdotter f. Kinn 1865; besteforeldre: 4. Abraham Larsson f. Oslandsbotnen i Askvoll 1825, 5. Hanna Børgesdotter f. Store Tomra i Vestnes 1832, 6. Johannes Pedersson f. Bjelle i Sogndal 1830, 7. Sofie Aleksandersdotter f. Valvika 1818; oldeforeldre: 8. Lars Olsson Oslandsbotnen (Askvoll), 9. Margrete Monsdotter Vevring (Naustdal), 10. Børge Pedersson Store Tomra (Vestnes), 11. Kristi Andersdotter Litle Tomra (Vestnes), 12. Peder Pedersson Bjelle (Sogndal), 13. Mildrid Johannesdotter Åberge (Sogndal), 14. Aleksander Jonsson Valvik, 15. Johanne Marie Nilsdotter Valvik.

Teodor sine barn og barnebarn: Torfrid Anny Myhre (1921–2011), bst. Florø, g.m. Ragnvald Myhre frå Vågsøy. Fire barn. Ruth Myre (1923–2011), bst. Raudeberg i Vågsøy, g.m. Håkon Myre frå Vågsøy. Fem barn. Leif Martin Bjørnsen (1926–2012), bst. Rognaldsvåg, g.m. Alvhild Fester frå Rognaldsvåg. Åtte barn. Margot Terese Masdal (1929–2020), bst. Førde, g.m. (1) Arthur Digernes frå Førde. Ei dotter. Margot g.m. (2) Paul Masdal frå Førde. To søner. Erling Konrad Bjørnsen (1931–2013), bst. Florø / Port Lincoln i South Australia, g.m. (1) Erna Herdis Lien frå Hauge i Sokndal (Rogaland). Seks barn. Erling g.m. (2) Beverly frå Australia. Ingen barn. Borgny Elise Bjerck (1934–2017), bst. Florø, g.m. Sigurd Bjerck frå Florø. Fem barn. Bjørn Otto Atle (1938–1938). Bjørn Arne Ove (1940–1940).

1893-05-21: Olav Matias Andreas. Olav døydde 15. juni 1914.

1895-04-19: Birgit Jørgine. Birgit døydde av difteri 20. november 1912, i teneste i Sandviken i Bergen.

1897-02-16: Sanna Bertine. Sanna vart gift med Johan Salomonsson (Salamonsen, f. 1897) frå Kinn i 1944. Dei budde på Kinn, i Hola. Dei hadde ikkje barn. Johan døydde i Florø 23. februar 1971 og Sanna døydde der 24. juli 1971. Johan var bror av Sverre, mannen til Mabel, dotter av besteforeldre Albert og Amanda. Oversikt over anane til Johan finst i den posten.

1899-03-12: Ludvig Johan. Ludvig døydde 8. februar 1903.

1902-01-12: Tomas Amandus. Tomas (Thomassen) var gift med Signe (Hansen, f. 1903) og budde i Bergen. Dei hadde tre barn. Signe døydde i 1969. Tomas døydde 13. august 1973.

Signe sine anar: 1. Signe Lauritsdotter f. Lille Damsgård i Bergen 1903; foreldre: 2. Laurits Anton Hansson f. Berg i Asker 1855, 3. Anne Katinka Aleksandersdotter f. Kragerød i Tjøme 1865; besteforeldre: 4. Hans Larsson f. stad? i Askim ca. 1825, 5. Maren Hansdotter f. Sem i Asker 1826, 6. Aleksander Aleksandersson Strandberg frå Sverige, 7. Brita Stina Hansdotter frå Sverige; oldeforeldre: 8. Lars Hansson Hol (Askim), 9.Anne Jonsdotter Grotvet (Askim), 10. Hans Hansson Tveter (Asker?), 11. Marte Andersdotter Sem (Asker), 12. Aleksander Kristensson (Sverige), 13.?, 14. Hans Kristoffersson (Sverige), 15.?

Thomas sine barn og barnebarn: Tore Sigmund Thomassen (1931–2011), bst. Laksevåg i Bergen, g.m. Olga. Fleire søner. Bjørn Arne Thomassen (1934–2019), bst. Bergen, g.m. (1) Else Karin Thime. Tre døtrer. Bjørn g.m. (2) Wenche. Kato Egil Thomassen (1940–2016), bst. Bergen, g.m. Mimmi. Tre søner.