4xtipp- og 5xtipp-
oldeforeldre: Bjørn og Maren
Bjørn Jensson Klingenberg, f. ca. 1695 på Indre Reksta, d. 1766. Foreldre: Jens Kristensson og ukjend mor.
Maren Sørensdotter Bruun, f. ca. 1695, truleg i Bergen, d. 1769. Foreldre: truleg Søren Villumssøn og Karen Gunnarsdotter.
Listene viser nedstamming frå Bjørn og Maren langs to linjer:
- far: Otto (Albertsson), Kinn 1924
- farfar: Albert Tomasson, Kinn 1889
- farfars far: Tomas Andersson, Kinn 1858
- farfars farfar: Anders Bjørnsson, Indre Reksta 1821
- farfars farfars far: Bjørn Tomasson Klingenberg, Indre Reksta 1769
- farfars farfars farfar: Tomas Bjørnsson, Indre Reksta ca. 1725
- farfars farfars farfars farforeldre: Bjørn og Maren
- mor: Tordis (Sigvartsdtr.), Kinn 1931
- morfar: Sigvart Kristoffersson, Kinn 1897
- morfars far: Kristoffer Henriksson, Kinn 1862
- morfars farmor: Bolette Tomasdtr., Kinn 1839
- morfars farmors far: Tomas Bjørnsson, Indre Reksta 1809
- morfars farmors farfar: Bjørn Tomasson Klingenberg, Indre Reksta 1769
- morfars farmors farfars far: Tomas Bjørnsson, Indre Reksta ca. 1725
- morfars farmors farfars farforeldre: Bjørn og Maren
Bjørn var frå Indre Reksta, son av klokkaren Jens Kristensson. Namnet til mora er ukjent, men ho må ha vore den andre kona til Jens.
Eg har ikkje funne sikert kor Maren kom frå, eller kven foreldra var. Men eg reknar det som svært sannsynleg at ho kom frå Bergen.
Følgjande er moglege spor til opphavet til Maren.
Søfren Willumbsen Brun gifta seg med Karen Gundersdatter i Domkirken i Bergen i 1676. Denne Søren var frå Silkeborg i Danmark og blei borgar i Bergen i 1780.
Eg finn tre kvinner som nokså sikkert er søstrer av Maren:
Elen Sørensdotter Bruun budde på Kinn samtidig med at Maren budde på Reksta. Det var skifte etter Elen i 1756 til enkjemannen Hans Trane. Elen hadde tidlegare vore gift med Lars Henriksson Bloch, og hadde med han to søner i London og Indonesia og ei dotter i København. Elen og Lars fekk døypt barn i Askvoll i 1710, 1711 og 1712. Lars var gjestgivar i Sauesundet på Atløya frå 1702 til 1716, då han blei visitør (tollfunksjonær) i Bergen. Dei døypte dottera Bente Plat i Nykirken i Bergen i 1717 og Anne Margrete i Domkirken i 1720. Denne Bente var fadder til eit barn av Lovise Brun. Lars døydde i 1731. Ei tidlegare kone av Lars var frå Luster, og i bygdeboka blir det hevda at Elen Bruun var frå Bergen.
Ei Trone Marie Bruun fekk dottera Henrikke Marie Andersdotter døypt i Bergen i 1729. Då var Bjørn Klingenberg fadder.
Lovise Brun i Bergen var gift med kjøpmann Wessel/Wexel Helliken; ein son heitte Søren og hadde ein Jens Klingenberg som fadder. Lovise var fadder i Bergen til Kristen Jensson Klingenberg sitt barn saman med Trone Marie Brun og Katrine Jensdotter Klingenberg. Ho var fadder saman med Trone til eit anna barn òg.
Ein Jørgen Sørensson Bruun gifta seg i Stavanger i 1731. Det er tenkjeleg at han var bror av Maren, men han kan like gjerne tilhøyre ein annan familie.
Det har vore diskutert om Maren var dotter av Søren Jørgensson Bruun, prest i Sokndal i Rogaland, men det ser ikkje slik ut.
Bjørn overtok som klokkar i Kinn etter faren rundt 1717. Han og Maren må ha gifta seg omtrent då. Dei brukte kyrkjejord på Indre Reksta. Sonen Jens står som brukar av denne jorda frå 1744, så han overtok truleg som klokkar omtrent då.
Det var skifte etter Bjørn i 1766 til enkja Maren, fem levande barn og tre sønesøner (sønene til Jens Bjørnsson, som var død). Maren døydde i 1769.
Frå skiftet etter Bjørn
Aar 1766 d. 31te Maij … blev / paa den Gaard Indre Rexten … holdet Skifte efter / afg. Biørn Jensen Klingenberg / forhen Klokker udi Kinds Præste- / gield, imellem Enken Maren / Sørensdatter Bruun, og deres / fælles Børn, navnl: / 1. Jens Biørns. død og efterladt / sig 3de Sønner, … / 2. Thomas Biørns. Klokker ved / Kinds Præstegield. / 3. Absalon Biørns. 27 Aar, er / til Seiglings, og vides ikke hvor / han er. / 4. Bente Maria Biørnsdatter / 32 Aar gl. / 5. Daarte Magrete Biørnsdatter / 30 Aar gl. / 6. Mette Biørnsdatter gift / med Claus Hendrich Prater / og boer i Amsterdam.
Etterslekt etter Bjørn og Maren
ca. 1718: Jens. Jens vart gift med Susanne Olsdotter Ebeltoft i 1742. Han var klokkar før broren Tomas og var brukar av ei jord på Indre Reksta frå 1744 til han døydde i 1760. Søner: Bjørn f. 1752, Hans Henrik f. 1755, Frans f. 1758. Dei tre sønene levde ved skiftet etter farfaren Bjørn i 1766, men den eldste er feilaktig kalla Jørgen då. Bjørn Jensson gift 1788 med Anne Gregoriusdotter Reksta, busett på Indre Reksta i 1801.
1721: Søren. Søren er ikkje nemnd ved skiftet etter faren.
ca. 1725: Tomas. Tomas er 3xtipp- og 4xtipp-tippoldefar og omtalt her.
1730: Bente Marie. Bente Marie var ugift ved skiftet etter faren, og ved folketeljinga i 1801 var ho ugift og budde saman med broren Tomas på Indre Reksta.
1733: Dorte Margrete. Dorte Margrete var ugift ved skiftet etter faren.
1735: Absalon. Absalon var sjømann ved skiftet etter faren.
1737: Mette. Mette gifta seg med Claas Hendriks Prater (Claus Hendrich Pratter) i Bremanger kyrkje i 1761. Han var frå Amsterdam, og dei budde der og hadde to barn. På nederlandsk er ho skriven Mietje Barends Klingenberg. Claas døydde før 1773, for då gifta Mette seg igjen med Pieter Tjipkes Schrevelingen. Dei budde i Nes på øya Ameland i Nederland og fekk seks barn. Mette døydde i Amsterdam i 1809.